Выстава жывапісу Юліі Мацура «Струны цішыні»Мастацкая галерэя Беларт запрашае Вас на адкрыццё выставы жывапісу Юліі Мацура “Струны цішыні”.
Юлія Мацура нарадзілася 27 лютага 1984 года ў Мінску. У 2002 годзе скончыла Мінскі каледж мастацтваў. З 2002 года актыўна ўдзельнічае ў рэспубліканскіх і міжнародных выставах.
У 2008 годзе скончыла Беларускую дзяржаўную акадэмію мастацтваў, кафедру графікі.
2008 года — у Беларускім саюзе мастакоў.
Стыпендыят прэзідэнцкага фонду па падтрымцы таленавітай моладзі.
Працуе ў станковым жывапісе, графіцы.
Творы знаходзяцца ў калекцыях Нацыянальнага цэнтра сучасных мастацтваў у Мінску, Гродзенскага гісторыка-археалагічнага музея (Новы замак), у прыватных калекцыях у Беларусі, Расіі, Іспаніі, Германіі, Швецыі, Фінляндыі, ЗША, Ізраілі, Кітаі.
На выставе Вы пазнаёміцеся з новымі пейзажамі і нацюрмортамі Юліі Мацура, якая ўжо больш за дзесяць гадоў таленавіта і плённа працуе ў рэалістычным напрамку жывапісу.
Тэмай і крыніцай натхнення для творчасці мастачкі нязменна застаюцца жывапісныя ландшафты Браслаўшчыны, утульныя куткі роднага Мінска.
У экспазіцыі выставы пераважаюць творы з зімовымі матывамі, у якіх захутаныя снегам прыродныя і гарадскія прасторы набываюць асаблівую ціхамірнасць і настройваюць на паэтычны лад.
