Віншуем ДВАРОНІНА АРСЕНІЯ МІХАЙЛАВІЧА з 75-годдзем!
З нагоды юбілею 01 сакавіка 2024 г. у 16:00 у карціннай галерэі імя Г.Х.Вашчанкі адбудзецца адкрыццё юбілейнай выставы гомельскага мастака, сябры Беларускага саюза мастакоў Арсенія Двараніна.
Арсеній Міхайлавіч шмат дзесяцігоддзяў актыўна і плённа працуе ў розных тэхніках і жанрах, пастаянна
удзельнічае ў абласных і рэспубліканскіх выставах, неаднаразова прадстаўляў сваю творчасць за мяжой.
У сааўтарстве са сваёй жонкай, Ірынай Данілавай, створана і дагэтуль, нямала яркіх і выразных батыкаў і габеленаў.
Дадзены праект прадстаўляе жывапісныя працы, дзе мастак звяртаецца не толькі да розных жанраў, але і да розных стылістыкаў: ад цытавання і інтэрпрэтацыі мастакоў Адраджэння — да работ на тэму беларускага фальклору, ад пераканаўча выкананых рэалістычных вобразаў — да шырокай імпрэсіяністычнай манеры пісьма.
Пагрузіцца ў творчы свет Арсенія Двараніна можна будзе на працягу сакавіка 2024 г.