У Магілёўскім абласным мастацкім музеі імя П.У. Масленікава да 29 лютага працуе выстава «Пакаленні», прысвечаная 110-годдзю з дня нараджэння П.У. Масленікава.
Павел Масленікаў – тэатральны жывапісец, майстар пейзажа, мастацтвазнаўца, педагог, заслужаны дзеяч мастацтваў БССР, ён жыў працэсам творчасці, шанаваў працу, майстэрства і прафесіяналізм.
У Выстаўка прысвечана жыццю і творчасці майстра пейзажа, яго спадчыннікаў і вучняў.
На выставе прадстаўлены больш за 100 работ (жывапіс, графіка, кераміка), сярод якіх работы Паўла Масленікава, яго сына і ўнука, а таксама яго вучняў. У аснове сюжэтаў твораў – пейзажы Магілёўшчыны і Беларусі, партрэты. А таксама ёсць унікальная магчымасць убачыць тэатральныя дэкарацыі, асабістыя рэчы, фатаграфіі і ўзнагароды народнага мастака Беларусі.
