Выстаўка “Палітра вясны” адкрыецца ў Нацыянальнай бібліятэцы 5 сакавіка у галерэі “Ракурс” Нацыянальнай бібліятэкі Беларусі.
“Палітра вясны” – гэта традыцыйная выстава-віншаванне, прымеркаваная да Дня жанчын.
У экспазіцыі — колеры вясны, увесь яе спектр, яе палітра. Прадстаўлены букеты, кветкавыя кампазіцыі, вясновая абстракцыя, жаночыя вобразы, выкананыя ў жывапісе, акварэлі і графіцы сучаснымі беларускімі аўтарамі, членамі Беларускага саюза мастакоў і Еўразійскай мастацкай садружнасці.
Маляўнічая «Палітра вясны» ўвасабляе красаванне і віншуе наведвальніц галерэі з 8 сакавіка. Цюльпаны, бэз, півоні, касачы, фіялкі, язмін, квітнеючыя вішні і яблыні, дачныя букеты даюць магчымасць гасцям захапіцца хуткім абуджэннем прыроды ў інтэрпрэтацыі мастакоў