Больш за 450 сучасных твораў мастацтва ад мастакоў Беларусі будуць прадстаўлены на фестывалі “Арт-Мінск”. 200 аўтараў, у тым ліку як вядомых, так і пачынаючых мастакоў, прадставяць свае працы.
“Арт-Мінск” праводзіцца штогод з 2018 года і з’яўляецца адным з найбуйнейшых выставачных праектаў у Беларусі, мэта якога — упрыгожыць культурнае жыццё горада і прапанаваць найбольш актуальныя напрамкі мастацкай арт-сцэны. Сёлета на фестываль паступіла больш за тысячу заявак на ўдзел, з якіх журы адабрала 450 работ аўтараў з розных гарадоў краіны. 90% прадстаўленых на фестывалі работ будуць размешчаны на анлайн-платформе па продажы мастацтва Artcenter.by. Біяграфіі аўтараў і апісанні работ будуць даступныя гледачам па QR-кодзе на этыкетцы. Кожны наведвальнік зможа не толькі купіць упадабаныя працы, але і падтрымаць мастакоў пры дапамозе галасавання. Аўтары, якія набралі найбольшую колькасць галасоў, будуць узнагароджаны дыпломамі і прызамі партнёраў праекта.
Арганізатарам фестывалю выступае Рэспубліканская мастацкая галерэя ГА “Беларускі саюз мастакоў” у Палацы мастацтва. Генеральны партнёр – ААТ “Белгазпрамбанк”.
