15 сакавіка 2024 года ў мастацкай галерэі Нацыянальнага Полацкага гісторыка-культурнага музея-запаведніка адбылося адкрыццё персанальнай выставы “Выбранае” заслужанага дзеяча мастацтваў, лаўрэата Дзяржаўнай прэміі Рэспублікі Беларусь, прафесара Анатоля Яфімавіча АРЦІМОВІЧА.
Выстава адкрывае серыю выставачных праектаў, якія адбудуцца ў 2024-2025 гг., прымеркаваных да 85-годдзя Анатоля Яфімавіча.
А. Арцімовіч з’яўляецца адным з найбольш яркіх і вядомых майстроў скульптуры свайго часу. Ягоныя манументальныя творы атрымалі шырокае прызнанне ў нашай краіне, а педагагічны талент дазволіў раскрыцца цэлай плеядзе маладых беларускіх скульптараў.
На выставе паказаны станковыя скульптурныя творы, эцюды і мадэлі нерэалізаваных манументаў, фатаграфіі рэалізаваных манументальных работ. У апошнія гады мастак шмат часу надаваў малюнку, ствараючы экспрэсіўныя графічныя працы.
Прадстаўленыя працы канцэптуальна разнастайныя, выкананы ў розных тэхніках і матэрыялах
