ЮРЫЙ КРУПЯНКОЎ “МАЁ МЯСТЭЧКА”. ЛАГОЙСК.16.01-10.02.2024

У Лагойску ў Мастацкай галерэі імя С.Давідовіча працуе з 16 студзеня па 10 лютага 2024 г. персанальная выстава Юрыя Крупянкова “Старонкі памяці. Маё мястэчка”, прысвечаная Міжнароднаму Дню памяці ахвяр Халакоста.

Выстава з’яўляецца лагічным працягам праекта “Ціхая мелодыя нашых мястэчак”, ужо прадстаўленага раней у шэрагу гарадоў Беларусі, а таксама ў Літве. Праект прысвечаны знікламу свету яўрэйскіх мястэчак нашай краіны, памяць аб якім жыве ў сэрцы мастака.

У экспазіцыю ўвайшлі жывапісныя творы аўтара: жанравыя кампазіцыі, партрэты і пейзажы, якія адрозніваюцца вялікай выразнасцю і праніклівасцю. Светлым сумам прасякнуты палотны, героі якіх – шавец, кравец, музыканты, крамніца… Гэта прыгожы, ідэалізаваны свет яўрэйскіх мястэчак Беларусі.

Асобны блок экспазіцыі прысвечаны Халакосту, работы, прадстаўленыя ў ім, рэзка адрозніваюцца сваёй журботнай каляровай гамай і настроем. “Я памятаю, я не забыўся…”, – быццам бы кажа нам мастак гэтай серыяй палотнаў.

НАЦЫЯНАЛЬНЫ МАСТАЦКІ МУЗЕЙ РЭСПУБЛІКІ БЕЛАРУСЬ: СВЯТАСЦЬ ЗЯМЛІ БЕЛАРУСКАЙ. 01.11-03.12.2023

З 1 лістапада ў Нацыянальным мастацкім музеі Рэспублікі Беларусь працуе выстава па выніках VIII Міжнароднага мастацкага пленэру “Святасць зямлі беларускай”, прысвечанага 850-годдзю прастаўлення прападобнай Еўфрасінні Полацкай і Году міру і стварэння. Светлы вобраз прападобнай Еўфрасінні, апякункі і нябеснай заступніцы зямлі беларускай, – вечны сімвал міралюбнасці, пакорлівасці, лагоднасці і любві да бліжніх. Падзвіжніцкая дзейнасць святой Еўфрасінні, заснаванне манастыроў і

БОЛЬШ ПАДРАБЯЗНА »

ПРЭС-КАНФЕРЭНЦЫЯ: НОВЫЯ ПРАЕКТЫ БЕЛАРУСКАГА САЮЗА МАСТАКОЎ

16 студзеня ў Прэс-цэнтры Доме прэсы @dompressy адбылася прэс-канферэнцыя на тэму: «Выставачны сезон 2024. Новыя творчыя праекты беларускіх мастакоў». Новыя праекты Беларускага саюза мастакоў прэзентавала першы намеснік старшыні Беларускага саюза мастакоў Наталля Шаранговіч. У прэс-канферэнцыі таксама прынялі ўдзел Сяргей Крыштаповіч – дырэктар Нацыянальнага цэнтр сучасных мастацтваў Рэспублікі Беларусь; Алеся Іназемцава – намеснік дырэктара па творчай

БОЛЬШ ПАДРАБЯЗНА »

АНАТОЛЬ МАРКЕВІЧ: ЗАДАЧЫ САЮЗА НА БЛІЖЭЙШЫЯ ТРЫ ГАДЫ

  15 снежня ў Мінску прайшоў XXVI з’езд Беларускага саюза мастакоў. Перад дэлегатамі выступіў Міністр культуры Беларусі Анатоль Маркевіч. Гаворачы аб задачах саюза на наступныя тры гады, Міністр назваў важнейшыя сярод іх: стварэнне твораў мастацтва патрыятычнай тэматыкі, правядзенне выставак і пленэраў, прысвечаных важным падзеям у жыцці Беларусі, праца з творчай моладдзю.

БОЛЬШ ПАДРАБЯЗНА »

ВІНШУЕМ -ІВАНІХШЫНА ЮРЫЯ МІКАЛАЕВІЧА З 75-ГОДДЗЕМ!

Віншуем ІВАНІХШЫНА ЮРЫЯ МІКАЛАЕВІЧА з 75-годдзем! Івахнішын Юрый Мікалаевіч працуе ў галіне мастацкага праектавання інтэр’ераў, дэкаратыўна-прыкладным мастацтве, лаўрэат Дзяржаўнай прэміі Беларусі (2004). Аформіў інтэр’еры інстытута “Мінскпраект”, “Белбыттэхпраекта” і Дома мадэлей N 2, гасцініцы і рэстарана “Беларусь”, Палаца Рэспублікі, станцыі метро “Маскоўская”, канцэртнай залы “Мінск” і інш. Лаўрэат Дзяржаўнай прэміі Беларусі.

БОЛЬШ ПАДРАБЯЗНА »