У Мастацкай галерэі Нацыянальнага Полацкага гісторыка-культурнага музея-запаведніка працуе выстава тэкстылю «Іншы позірк» сябры секцыі тэкстылю Беларускага саюза мастакоў Вольгі Реднікінай.
Мастацтва тэкстылю ў творчасці беларускіх мастакоў з’яўляецца адным з вядучых накірункаў у дэкаратыўна-прыкладным мастацтве. У ім адначасова адлюстроўваецца культура традыцый, аўтарскія новаўвядзенні і эксперыментальныя тэхнікі.
Вольга Рэднікіна з 2016 па 2022 была старшынёй секцыі мастацкага тэкстылю Беларускага саюза мастакоў. Яна вядомая беларуская мастачка па тэкстылі, лаўрэат ll, lll і lV Усебеларускага трыенале мастацкага тэкстылю.
На персанальнай выставе ў Полацку Вольга прадставіла працы трох аўтарскіх праектаў пад назвай «Трансфармацыя ў ABSTRACT», «Зварот», «Дарожныя нататкі», у якіх філасофскія разважанні, тонкія псіхалагічныя перажыванні вытканыя ў палатно часу і свайго духоўнага свету.
Аўтарскае выкананне дазволіла ёй эксперыментаваць у працэсе ткацтва, выкарыстоўваючы розныя тэхнікі, а таксама нетрадыцыйныя для мастацкага тэкстылю матэрыялы.ікінай
