ЛАЎРЭАТЫ НАЦЫЯНАЛЬНЫЙ ПРЭМІІ Ў ГАЛІНЕ ВЫЯЎЛЕНЧАГА МАСТАЦТВА

Прэмія прысуджаецца ў сямі намінацыях: жывапіс, графіка, скульптура, дызайн, манументальнае і манументальна-дэкаратыўнае мастацтва, дэкаратыўна-прыкладное мастацтва і творчы дэбют.

Акрамя таго, была ўручана ўзнагарода за ўклад у развіццё выяўленчага мастацтва, якая ўручаецца мэтрам па сукупнасці заслуг перад айчыннай культурай. Яе атрымаў вядомы бабруйскі мастак Валерый Калтыгін . Валерый Аркадзьевіч – родапачынальнік так званага “бабруйскага стылю” ў кераміцы, арганізатар і кіраўнік штогадовых міжнародных пленэраў “Арт-Жыжаль”, на якія з’язджаюцца керамісты з усёй Беларусі і з-за мяжы.

У намінацыі “Творчы дэбют”, спецыяльна прызначанай для перспектыўнай моладзі, перамагла Марта Шчарбіч – студэнтка 3-га курса Беларускай дзяржаўнай акадэміі мастацтваў.

Лаўрэатам Нацыянальнай прэміі ў намінацыі “Графіка” стаў Усевалад Швайба за цыкл работ “Хатынь”.

У намінацыі “Манументальнае і манументальна-дэкаратыўнае мастацтва” перамогу атрымала работа мінскага скульптара Аляксандра Шапо “Дрэва дарог”, якая ўпрыгожвае станцыю метро “Вакзальная”.

У дэкаратыўна-прыкладным мастацтве была адзначана Наталля Лісоўская, чыя творчасць прасякнута нацыянальнымі беларускімі матывамі. 

Узнагароду ў намінацыі “Дызайн” атрымаў дызайн-праект экспазіцыі Слуцкага краязнаўчага музея, які быў распрацаваны і рэалізаваны калектывам пад кіраўніцтвам мастака Глеба Отчыка.

У намінацыі “Скульптура” быў узнагароджаны скульптар Андрэй Вараб’ёў з Магілёва – нават тыя, хто чужы высокаму мастацтву, ведаюць яго па вясёлым помніку агурку ў Шклове, скульптурным ільвам на мосце і фантану “Маленькі прынц” у родным для майстра Магілёве.

А вось прэмія ў намінацыі “Жывапіс” з’ехала ў Віцебск – яна дасталася мастаку Васілю Васільеву за цыкл прац біблейскай тэматыкі “Іерусалім. Спёка і холад вечнага горада».

СКРОЗЬ ЧАС. ДА 85-ГОДДЗЯ БЕЛАРУСКАГА САЮЗА МАСТАКОЎ. ВЫСТАВА Г. МАГІЛЁЎ

У Музеі гісторыі Магіёва” адкрываецца мастацкая выстава “Скрозь час. Да 85-годдзя Беларускага саюза мастакоў” у рамках святкавання юбілею творчай арганізацыі і прымеркавана да Года міру і стварэння. Выстава пазнаёміць з творамі беларускіх мастакоў з калекцыі ГА “БСМ”, а таксама з новымі работамі жывапісу і скульптуры сучасных аўтараў. Сярод аўтараў выставы шмат мастакоў, якія прайшлі вайну.

БОЛЬШ ПАДРАБЯЗНА »

СПАЧУВАЕМ! НА 82-м ГОДЗЕ ПАМЁР СКУЛЬПТАР АЗАТ МІКАГОСАВІЧ ТАРАСЯН

14 студзеня 2023 года на 82-м годзе жыцця памёр беларускі скульптар, сябра Віцебскай абласной арганізацыі Беларускага саюза мастакоў АЗАТ МІКАГОСАВІЧ ТАРАСЯН. Беларускі саюз мастакоў выказвае шчырае спачуванне родным і блізкім мастака.

БОЛЬШ ПАДРАБЯЗНА »

НАЦЫЯНАЛЬНАЯ БІБЛІЯТЭКА БЕЛАРУСІ ПРАДСТАЎЛЯЕ: МОВА ВАЕННАЙ ІЛЮСТРАЦЫІ. 08.02.-31.03.2024

8 лютага 2024 года ў Нацыянальнай бібліятэцы Беларусі адбылося ўрачыстае адкрыццё выстаўкі «Мова ваеннай ілюстрацыі», прымеркаванай да 80-годдзя вызвалення Беларусі ад захопнікаў. У экспазіцыі ў тым ліку прадстаўлены некалькі скульптурных работ з фондаў Беларускага саюза мастакоў. Яркай старонкай кніжнага і графічнага мастацтва перыяду вайны лічыцца партызанская ілюстрацыя. Сярод экспанатаў выстаўкі – арыгіналы беларускіх рукапісных кніг

БОЛЬШ ПАДРАБЯЗНА »

ПОЛАЦК: ВЫСТАВА АНАТОЛЯ АРЦІМОВІЧА ДА 85-ГОДДЗЯ МАСТАКА

15 сакавіка 2024 года ў мастацкай галерэі Нацыянальнага Полацкага гісторыка-культурнага музея-запаведніка адбылося адкрыццё персанальнай выставы “Выбранае” заслужанага дзеяча мастацтваў, лаўрэата Дзяржаўнай прэміі Рэспублікі Беларусь, прафесара Анатоля Яфімавіча АРЦІМОВІЧА. Выстава адкрывае серыю выставачных праектаў, якія адбудуцца ў 2024-2025 гг., прымеркаваных да 85-годдзя Анатоля Яфімавіча. А. Арцімовіч з’яўляецца адным з найбольш яркіх і вядомых майстроў скульптуры свайго

БОЛЬШ ПАДРАБЯЗНА »